再度連載! x flashback

好耐冇打過blog
呢幾個月冇停過,發生左好多好多野

空手道宿營-第一次破解+打勝B師兄(B師兄應該係讓左我少少), 再次領教白師兄"嵐腳"..., 發現自己既舊患愈積愈多...


全港空手道大賽-好盡力,好精彩,好滿足咁輸左比高手龐家威7-0, 強烈感到實力既差距! 下年再戰!


專上龍舟邀請賽-三場全出, 比盡全力, 險勝三場, CHAMPION!

撼莊-為左一個對朋友既...承諾?...心軟!!!?...決定左上全科大最難上既ACCOUNTING STUDENTS' SOCIETY, 經過兩個月天昏地暗既PROMOTION PERIOD, 同對莊火拼(一直KEEP住龍舟, 空手道TRAINING架, 不過係見少左阿欣好多, 我都知你唔開心架啦, 對唔住呀, 我知你點話我都好, 你都會SUPPORT我既!見少左...好似係冇見過GPRDON阿雞TONY肥仔肥成咁濟, 都冇同ERIC CHAT 過, 大家明白我存啦, 唔好意思LAW!), 不過最終都以267比153票勝出, 所有所有精神, 努力, 金錢, 時間 (AND 朋友!?)既付出都總算冇白費! 之後既AGM 雖然辛苦, 但比起PROMOTION PERIOD AND上莊之後既道路, 唔算係一回事啦!

比賽前一日同左阿欣睇UNDERWORLD2, 食千之壽, 開心! 之後同5劍去ANNA?扒, 吹水, 肥仔唔好炒A-LEVEL呀!

全日本空手道連盟剛柔會香港誠和會空手道大賽- 表現失準!對住個高我D, 大隻過我D, 三十出頭既阿叔, 師父師兄都話我會勝出...但係我居然係久攻不下AND打到冇哂FORM...不過如果唔係個主判, 最多只會平手, 呢個主判係前年已經係咁, 佢係三個副判都判我打至對手出界得分勝出時, 判我出界...今次佢係三個副判都示意冇分既情況下判左兩次共4分比個對手! 輸左...! 比佢地訓話, 令到師父師兄失望, 真係...!!!!不過我覺得打唔出水準係有原因架, 我真係第一次打D咁怪既對手, 真係冇經驗, 所以開頭真係唔知點入手好...只能怪係自己唔夠經驗! 之後係心情低落下輸埋比同龐家威差唔多級數既前台主吳俊賢...
到下晝TEAM比賽4強果陣, 我比人訓左一日話, 知錯, 決定收拾心情, 決心奪回係早上失去既尊嚴!但阿楝之前苦戰甩左腳趾跤, 阿倫傷左腳, 手趾篤左魚旦, 所以係冇可能打CHAMPION既情況下我出第一場, 打李展雄(岩岩拎左高級組個人1ST RUNNER UP), 其實之前我預左打NIMBU, 阿雄都同我練左好耐打NIMBU既方法...但係點知, 居然係打番阿雄!?不過可能同佢打得多, 可以好放心咁去發揮, 最後我好似勝3-0, 好開心勝左呢一場(有一分係我用阿雄係之前教我既招打番黎架, 我諗佢都發覺到), 之後阿楝阿倫冇直接GIVE UP, 都有落場, 結果唔使講...最後執左個TEAM季軍...唔知開心定唔開心好....不過今年我地館大豐收, 每個賽事都有斬獲! 好野! 下年再黎!!

MIDTERM- 成績出哂, 咁多野做, 本身我又懶...好多都係保住MEAN, ISMT101 因為係電腦野, ABOVE MEAN左, FINA111, MGTO121 都BELOW左, 不過我係唔會放棄架, FINAL 追番!